Haur Hezkuntzako neska-mutilek oso martxosoak direla erakutsi nahi izan digute eta aurreko astean bezala oraingo honetan ere euren ekintzen berri eman digute argazki eta bideoekin lagunduta.
Bi urtekoen geletan urtaroak ikasten jarraitzen dute, eta oraingo honetan neguaren inguruko lana ekarri digute bideo polit batean jasota.
Negua
Lau urtekoak lanbideak ari dira ezagutzen eta ekintza ezberdinak burutzen dihardute honen inguruan. Horretarako pasa den ostiralean Arte Ederretako Fakultatera joan ziren zuzenean ikusteko etorkizuneko artistek zer egiten duten ikasle garaian.
Arte Ederren Fakultatean
Asteazkenean, aldiz, ikastolara etorri ziren Medikuntzako aditu batzuk eta azalpenak emateaz gain, saio praktikoak ere izan zituzten.
Bost urtekoek Portugaleteko Alde Zaharra ezagutzera irten ziren aurreko asteko asteartean. Eraikin interesgarri asko ikusi zituzten.
