Ikasturteko helburuak etapaka

Haur Hezkuntzan bi zikloen arteko koherentzia gorde, haur guztien garapen integrala eta harmonikoa dimentsio guztietan lortzen laguntzeko. HH 2 urteko ikasgelen lekualdatzeari dagokionez, espazio eta denboraren antolaketan beharrezkoak diren egokitzapenak egitea.

Konpetentzia eta helburuetan oinarrituz heziketa prozesua antolatu etapako ibilbide osoan. Jarduerak diseinatuko dira eta sekuentzietan integratuko dira, jarduera ezberdinetan mantendu, aldatu eta hobetu daitekeenari erreparatuz.

Haurrek euskara hizkuntza-gaitasunak gero eta hobeto garatu ditzaten ahozkotasuna indartzea eta gure izaera euskalduna osatzen duten jarduera soziokulturalak lantzen jarraitzea. Haur Hezkuntzako etapan euskararen erabilera neurtu 4 eta 5 urteko ikastaldeetan ikasturteko bi unetan.

GRPN proiektuari dagokionez, HHko 5 urteko sekuentzietan txertatutako haur adineko jolas motorren inplementazioaren ondoren, doikuntzak egitea eta HH4ko jarduerak diseinatzen eta inplementatzen hastea.

• Euskal Herriko Ikastolen Elkarteak antolatzen dituen mintegietan parte hartzen jarraitu, beste ikastolekin esperientziak partekatuz.
• Irakasleen formazioa eta koordinazioa bermatu.
• Proiektua gure ikastetxeko ezaugarrietara egokitzen jarraitu.

– Metodologia berriztatzaile bat da, irudia tresna gisa erabiltzen duena. Irakurtzen eta idazten ikasteko, pentsamolde sortzailea lantzeko eta hizkuntza (ikusmenezkoa, ahozkoa eta idatzizkoa) mailaz maila menderatzen joateko.
– Hizkuntzak lantzeaz gain, gaitasun samur edo XXI. mendeko gaitasun izeneko trebetasun sozialak ere lantzeko aukera ematen du: sormena, komunikazioa, elkarlana eta pentsamendu kritikoa.

• Ahozkotasuna lantzeko ekintza plana aurrera eraman: Irakasleentzat EBETE erakundeak antolatutako zenbait formazioan parte hartu eta jasotakoa planifikatu eta inplementatu.

• Irakurketa planarekin lanean jarraitu: Zaletasuna, motibazioa eta konpetentzia hobetu.

– Proiektua gure ikastolako ezaugarrietara egokitu.
– 4. eta 5. mailetan: Code, Scratch. Modu bisualean programa daiteke modu erakargarri, interaktibo eta intuitiboan. Askotariko baliabideak erabiltzeko aukera du: irudiak, soinuak, testuak… Baliabide guztiak landu, esperimentatu, probatu eta sortu egin daitezke.
– 6. mailan: robotak eraiki eta programatu.

Aurten, euskara indartzeko plangintza berregin behar dugu.
Euskararen erabilera mailarekin kezkatuta gaude
• Guk, Ikastolan, gela barruan leku handiagoa emango diogu ahozko erabilerari.
• Gurasoak etxean. Seme-alabek euskara erabil dezaten etxean giroa sortu.
• Euskarazko jardueretan parte hartzen animatu.
• Ikastolarekin harremanetan jartzen zaretenean, euskaraz.

• Tutoretza planaren barruan
• Eskola-jazarpenaren prebentzioa eta probisioa: elkarbizitza taldea

1. LOMLOE:

• Batxilergoko 2. mailan LOMLOE ezarriko da. Hori dela eta, eskaintza aldatuko da eta jakintzagai berriak eskainiko dira, besteak beste, “Filosofiaren historia” eta “Jarduera fisikoa, aisia eta osasuna”. Batxilergoko 2. mailan LOMLOren ezarpenarekin euskara jakintzagaiak 4 saio izango ditu. Horrela euskararen indartzea lortuko da.

2. EUSKARAREN AHOZKOTASUNA:

• Euskararen ahozkotasuna landu, horretarako etapen arteko ekintzak sustatu.Euskara ikasle taldea sortu batxilergoan.

  Programazio laburretan txertatu ahozkotasuna nola indartu, ebaluatu eta kalifikatu.

3. TUTORETZA PARTEKATUA:

• Hezkuntza pertsonalizatuagoa lortzeko tutoretza partekatuarekin jarraitu egingo da bi mailetan. Horrela gela bakoitzeko 2 tutore egongo dira.

4. HEZKIDETZA:

• Hezkidetza planaren barruan, hezkuntza afektibo sexuala batxilergoko 1. eta 2. mailetan landu egingo da.Hezkidetza ikasle taldearekinjarraituko da batxilergoan.