Ongi etorri Asti Lekuko ikasturte berrira!
Gaur, irailak 6, Asti Lekuko LHko 1. mailakoek eta HHko 2 eta 3urtekoek hasiera eman diote 2019-2020 ikasturteari, datorren astelehenean, hilak 9, gainontzeko ikasle guztiak hasiko direlarik.
Ongi etorri guztiok! Ikastola prest daukazue zuek guztioi harrera egiteko!
Gehienok oporretan egon bagara ere, ikastola ez da inoiz geldirik egoten eta uda honetan, ohikoa denez, hainbat hobekuntza lan egin dira. LHko eraikinean, esate baterako, leihoak (jantokikoak zein idazkaritza eta geletakoak) aldatu dira, baita atondoko eta 3. solairuko ateak ere.
Sukaldean lan handiena egin dugu, goitik behera berritu baita: bertako instalazioak (ur, argindar, keen ateratzeari… dagozkienak) zein makinak eta tresneria guztia kendu eta berriak jarriz.
Haur Hezkuntzako eraikinean, suteak hondatutakoa konpontzeaz gain (sarrerako ateak aldatu, sapaia eta hormak garbitu, zorua margotu eta sapaitik doazen instalazioak berritu -ura, argindarra, interneta…-), jantokiko komunak ere berriztatu dira.
Gainera, 3 urtekoen geletan, proiektu berrira egokitze aldera, berrantolaketa egin da, espazio handi, garbi eta irekiagoak lortzeko.
DBHko eraikineko liburutegian ere aldaketak egin dira (espazioaren erabilera berrantolatu, hormak margotu, apal berriak jarri…)
Kirolari dagokionez, frontoia eta LHko gimnasioa margotu egin dira eta DBHkoa hosgabetu.
