Aste honetan ikastolako zortzi ikasle Normandiako Honfleur-en izan dira Erasmus + proiektuaren baitan antolatutako ikasle truke batean parte hartzen.
Haiekin Javi Martín eta Estibaliz Larrañeta ikastolako irakasleak joan dira, eta pasa den igandetik gaur arte, honelako egonaldietan ohikoa denez, bertako parte-hartzaileen etxeetan egon dira ostatatuta.
Bertan, beste lau herrialdetako ikasleekin batera elkartu dira (Frantzia, Alemania, Herbehereak eta Norvegia). Haiekin, herrialdea bisitatzeaz gain, egungo gazteen arazoen inguruko hausnarketa egin dute, eta, garrantzitsuena, gauza interesgarri asko ikasi dute elkarrengandik.
