Naiara Custodio gure lankideak Caligrama argitaletxearen Talentu Saria eskuratu du bere opera prima “Luciérnagas” misteriozko narratiba erromantikoko eleberriarekin. Barruko ilustrazioetarako Cristina Pulido ikastolako irakasle eta lagunaren laguntza izan du, “lan eder ederra egin du”, azpimarratzen du Naiarak.
Caligrama argitalpen-zigilua da, espainierazko autoediziokoa, eta idazleei edizio-, banaketa- eta sustapen-zerbitzu esklusiboak eskaintzen dizkie, beren lanek dimentsio berria har dezaten eta ahalik eta potentzial handiena lor dezaten.
Liburuaren aurkezpena abenduaren 18an izango da, Bilboko Burtsaren eraikinean, non egileak aleak sinatuko dituen.
Oraindik eleberri eder honen alerik ez baduzue, online eskuratu dezakezue.
Comprar Luciérnagas de Naiara Custodio Peña en LibrosCC – en LibrosCC
Luciérnagas-en istorioa Marta eta bere familia aspalditik bisitatu ez duten herri txiki batera itzultzen direnean hasten da. Gau batean ipurtargi bat eta gutun batzuk aurkitu zituen, eta gutun haietako hitzek inoiz imajinatu ez zuen maitasun klandestino bat adierazten zuten.
“Iraganak oraina argitzen duenean, maitasunak bidea aurkitzen du.”
Naiara Custodiok Asti Lekuko orientazio sailean egiten du lan, eta txikitatik du gogoko idaztea bere pentsamenduak eta emozioak ordenatzeko. Unibertsitatean zegoela, idazteari utzi zion, baina ikasketak bukatutakoan, amets bihurtutako zaletasun horri heldu zion berriro, eta “Luciérnagas” eleberria autoargitalpeneko argitaletxeei aurkeztea erabaki zuen. Caligramas-en hautatua izatea lortu zuen, eta hasierako gastuak ordaindu ondoren, bere ametsa beteta ikusi ahal izan zuen: eleberri bat argitaratzea. Lan honekin Caligramaseko Talentu Saria eskuratu du.
Zorionak Naiara! Ez utzi amets egiteari!
