Astearte honetan, HH5eko geletako txikiek egun berezia izan zuten Alluitz Naturan, ardiei buruzko gauza interesgarri asko ikasiz: nola bizi diren, zer jaten duten, nola jezten diren, nola lantzen den euren artilea…
Alluitz Natura baserri eskola eta landa-garapeneko enpresa bat da. Atxarte gaztandegiaren eskutik sortua, Urkiolako Parke Naturalean, Bizkaian, instalazio eta ingurune ezin hobeak ditu ingurune naturaleko bizimodua ezagutzeko eta interpretatzeko, tailerren, ibilbideen eta aisialdiko jardueren bidez. 200 ardi latxako artaldea du, “eta horrek sentsazioak pizten dizkigu; artile asko eta sormen jasangarria ere ematen dizkigu”, azaltzen dute webgunean.
