2015. urtetik ohitura denez, aurten ere antolatu dugu Asti Lekun kirolari eskainitako jardunaldi oso bat. Goizean goizetik, aurten prestatu dugun sutontzia piztuz hasiera emanda, mota guztietako kirol ekintzak izan dira ikastolako txoko guztietan.
Edizio honen amaiera, berritasun gisa, 15:00etan makrozumba saioa antolatu dugu Lehen Hezkuntzako eraikinaren aurrean.
Eguraldiak asko lagundu ez badu ere -behintzat ez du euririk egin- hainbeste gozatu dugun egun berezi honekin agur esan diogu ikastolari bi astez, eta atea zabaldu merezitako oporrei.
Apirilaren 8an ikusiko dugu elkar, pilak kargatuta. Ondo pasa!
Beste behin ere, eskerrak eman behar dizkiegu gainerakook hain egun polit eta biziaz gozatzeko aukera eman diguten guztiei: kirol batzordea, irakasleak eta bestelako langileak, laguntzaileak, batxilergoko ikasleak, lagunak… Mila esker guztioi, bene-benetan eta zorionak egindako lan bikainagatik!
