Asteazkenean Asti Lekuko DBH1eko frantseseko ikasleak Biarritzera joan ziren batxilergoko 1. mailakoekin batera. Bertan, ikasle nagusiak begirale aritu ziren eta ikasle gazteagoei lagundu zieten pista-jokoa aurrera eramaten.
DBHkoek zenbait pistari jarraitu behar izan zieten helburu bikoitza zuen jokoa burutzeko: batetik, Biarritzeko hirigune historikoa ezagutzea eta, bestetik, frantsesa praktikatzea.
Esperientzia oso positiboa izan dela esan digute, “errepikatzeko modukoa” eta eguna labur samar geratu zitzaiela. Ederto pasatu zuten seinale!
