Covid, FAQ (ohiko galderak)


Gune honen bidez, eskola-eremuan covid-19 kasu positibo bat detektatu ondoren, osasun-protokoloen inguruan sortzen diren zalantza ohikoenak argitzen saiatuko gara.
Protokolo horiek Osakidetzak ezarri, aplikatu eta eguneratzen ditu. Ikastetxeok, kasu honetan Asti Lekuk, honako prozedura hauek baino ez ditugu betetzen:

  • Osasun-profesionalei eskatutako informazioa ematea, haiek covid-19 positibo bat hauteman ondoren, indarrean dagoen protokoloaren arabera beharrezko neurriak hartu ahal izan ditzaten.
  • Ikastolan covid-19 positibo baten susmoa izanez gero (ikasle edo langile batena), ezarritako prozedura aplikatzea:

  1. Zer gertatzen da Asti Lekuko ikasle edo langile bat covid 19 positiboa denean?

ESIak (kasu honetan Ezkerraldea-Gurutzeta ESIak) ikastolako covid arduradunari jakinaraziko dio kasua, eta hark beharrezko informazioa emango dio, osasun teknikariak ikaslerik edota langilerik isolatu behar den ala ez -eta baiezko kasuan, zeintzuk- erabaki ahal izan dezan.

  1. Asti Lekuko zein pertsona (ikasle edo langile) isolatu behar dira ikastolan covid-19 positiboa dela baieztatu ondoren?

Harreman estutzat hartzen direnak bakarrik.

  1. Ikastolako zein pertsona (ikasle edo langile) jotzen dira harreman estutzat?
  • Haur eta Lehen Hezkuntzako ikasleak, haien irakasleak eta BTE (bizikidetza-talde egonkorra) osatzen duten beste langile batzuk, nahiz eta litekeena den kasu batzuetan horiek guztiak harreman estutzat ez hartzea.
  • Talde ez-egonkorretako ikasleak, irakasleak eta beste langile batzuk, lantegiak, laborategiak, eskolaz kanpokoak, kasu positiboaren inguruan 15 minutu baino gehiagoz eta 2 metro baino gutxiagoz espazioa partekatu dutenak, salbu eta maskara behar bezala erabiltzen dela ziurtatu badaiteke.
  • Eskola-jantokia: kasu positiboaren inguruan 15 minutu baino gehiagoz eta 2 metro baino gutxiagoz espazioa partekatu duten ikasleak, irakasleak eta bestelako langileak, salbu eta maskara behar bezala erabiltzen dela ziurtatu badaiteke.
  • Eskola-garraioa: kasu positiboaren inguruan 15 minutu baino gehiagoko eta 2 metro baino gutxiagoko tartea partekatu duten ikasleak, irakasleak eta bestelako langileak, salbu eta maskara behar bezala erabiltzen dela ziurtatu badaiteke, bai eta kasuaren inguruan 2 eserlekuko erradioan eseri diren ikasleak ere.
  • Patioa: kasu positiboaren inguruan 15 minutu baino gehiagoz eta 2 metro baino gutxiagoz espazioa partekatu duten ikasleak, irakasleak eta bestelako langileak, salbu eta maskara behar bezala erabiltzen dela ziurtatu badaiteke.

  1. Kontaktu estutzat jotzen den norbaitek jarraitu beharreko prozedura
    • Nork abisatzen dio pertsona bati covid-19 positibo baten ondoan egon dela, eta beraz, kontaktu estutzat hartzen dela?
      Ezkerraldea/Cruces ESIko erizain kudeatzaile arduradunak, ikastolari positibo bat dagoela jakinarazi ondoren, informazioa eskatuko dio kontaktu estuak nortzuk diren aztertu ahal izateko; ondoren erizain horrek kontaktu estuei deituko die (pertsonalki, helduen kasuan, eta haien gurasoei, adingabeak izanez gero) eta lehen PCR proba programatzeaz gain, norberaren anbulatorioko erizainak ondoren egingo dituen kontrolak ere programatuko ditu. Anbulatoriotik 10 egun geroago 2. PCR probarako deituko diete.
    • Zenbat denbora egon behar du isolamenduan kontaktu estu batek?
      Kontaktu estutzat hartzen den pertsona ororentzat isolamendua 10 egunekoa izango da, covid-19 positiboa den pertsonarekin azken kontaktua izan duenetik kontatzen hasita.
    • Zer gertatzen da 1. PCR-an kontaktu estuak positibo ematen badu?
      Lehenengo PCR proban positiboa izanez gero, 10 eguneko isolamendua egin beharko du eta ez zaio proba gehiago egingo. Isolamenduaren azken 3 egunetan sintomarik izan ez badu, isolamendua 10 egun igarotakoan bukatutzat emango da eta pazienteak alta medikoa jasoko du.
    • Lehenengo PCR proban negatiboa ematen badu, 2. PCR proba egingo al zaio?
      Lehenengo PCR-an positiboa ematen badu, 10 eguneko isolamenduarekin jarraituko du eta 8. egunean beste proba bat egingo zaio (PCR-a edo antigeno-testa). Bigarren proba honetan ere negatiboa ematen badu, pertsona hori (ikaslea edo langilea) ikastolara itzuli ahalko da.
    • Zer gertatzen da 2. PCR-an (positiboarekin kontaktuan egon denetik 10 egun geroago) positiboa ematen badu?
      Isolamendu berri bat egingo du, beraren kontaktu estuak ere isolatuko direlarik, PCR hori egin baino 2 egun lehenagotik hasita.

  1. Zer gertatzen da ikasle edo langile bat kontaktu estu gisa identifikatutako pertsona batekin bizi bada?

Ez dute berrogeialdirik egin behar eta ikastolara normaltasunez joan behar dute.

  1. Zer gertatzen da ikasle edo langile bat 19 (PCR-aren zain) covid-19a bateragarriak diren sintomak dituzten pertsonekin bizi bada?
    Ez dute ikastolara joan behar sintomak dituen pertsonaren PCR-aren emaitza jakin arte.
  • Senitartekoaren probaknegatiboaematen badu, ikastolako ikasleak ez du berrogeialdirik egin beharko.
  • Senitartekoaren probakpositiboematen badu, ikastolako ikaslea edo langilea harreman estutzat hartuko da. (Ikus 4. galdera).

7. Zer gertatzen da ikasle edo langile bati covid-19 diagnostikoa duen pertsona baten kontaktu estua dela jakinarazten diotenean?

Pertsona horren positiboaren informazioa jasotzen duenean Asti Lekutik kanpo badago, etxean geratuko da eta ikastolari jakinaraziko dio.

Pertsona horren positiboaren informazioa jasotzen duenean Asti Lekun badago :

  • Ikaslea bada, isolamendu-gelara joango da, eta han itxarongo duzu familia bere bila etorri arte.
  • Langilea bada, ikastolari jakinaraziko dio eta etxera joango da.