Bizkaia osoko ia 800 ikasle egon ziren ekitaldian, non nazioarteko merkatuei heldu nahi dien enpresa baten itxura egin zuten. Taldean, modu koordinatuan eta 150 tableten bidez garatu zen enpresa-mundua modu arin eta erakargarrian hurbiltzeko helburua duen joko hori.
Apirilaren 7an, astelehena, Industriaren Egunaren seigarren edizioa burutu zen BECen. Industria Erronka proiektuaren jardunaldi nagusia da, 2018tik Bizkaiko 20.000 ikasle baino gehiago hurbildu dituena. Metaleko Enpresen Bizkaiko Federazioak antolatuta dago eta Eusko Jaurlaritzaren laguntza jasotzen du SPRI Taldearen bidez, bai eta Bizkaiko Foru Aldundiarena.
Industria Erronka proiektuak industria hurbiltzen die ikasleei ikasturtean zehar enpresetara bisitak eginez eta enpresa- eta hezkuntza-ordezkariekin ikasgeletan topaketak eginez. Seigarren edizio honetan, DBHko 3. eta 4. mailako, Batxilergoko eta Erdi Mailako Lanbide Heziketako 65 ikastetxek eta 64 industria-enpresak hartu dute parte.
