Asti Lekuko BAL proiektuaren lanen aurkezpenak
Aste honetan batxilergoko 2. mailako ikasleak BAL proiektuaren aurkezpenak egin dituzte.
BAL proiektua Asti Lekuk sortutako orientazio proiektua da, ikasle guztiek batxilergoko 2 ikasturteetan garatu beharrekoa. Amaiera emateko egindako lanaren aurkezpena egin behar dute ebaluatua izan dadin.
Proiektu hau orientazio hutsetik haratago doan egitasmoa da, konpetentzien garapenerako diseinatutakoa eta Asti Lekuko hezkuntza komunitate osoaren laguntza izaten duena.
Labur esanda, honetan datza BAL proiektua: lehenengo ikasturtean etorkizuneko ikasketen inguruko askotariko argibideak jasotzen dituzte ikasleek eta pertsona nagusien iritziak, eskarmentua, ibilbideak eta aholkuak entzuten dituzte.
Bigarren ikasturtean, ordea, hausnarketa egitea dagokie, jasotakoaren ingurukoa, eta honekin batera, euren orientazio asmoen esparruko lan bat egitea. Bukatzeko, lana ikaskideekin konpartitu egingo dute eta ikastolako epaimahai batek ebaluatua izango da.
Hasieran esan bezala, aste honetan azken fase honetan sartu dira ikasleak, hau da, egindako lanen aurkezpenean.
Sakatu argzkiaren gainean
