Portugaleteko Udalak, Ecoembes-ekin lankidetzan, udalerriko Lehen Hezkuntzako ikasleei zuzendutako ingurumen-sentsibilizazioko kanpaina berria jarri du abian, birziklatzearen eta ingurumena zaintzearen arloan ohitura arduratsuak txikitatik sustatzeko helburuarekin.
Joan den astelehenean, Asti Lekuko hiru ikasle, Eneko Olabarria Asti Lekuko 2030 Agendako irakasle arduradunak lagunduta, Udaletxean izan ziren 10:00etan egindako aurkezpenean, herriko beste zenbait ikastetxetako ikasle batzuekin batera.
Ekimenaren protagonista Ontzin da, ontziak behar bezala bereiztea eta birziklatzeak txikienei duen garrantzia modu didaktiko eta dibertigarrian hurbiltzeko sortutako pertsonaia. Bere adinera egokitutako ilustrazio eta mezuen bidez, Ontzinek ikasleei laguntzen die “Birziklatzeko Misioa” izeneko lanean, eta jokabide arduratsuak sustatzen ditu, bai eskola-ingurunean, bai familian.
Kanpainaren esparruan, parte hartzen duten lehen hezkuntzako ikasleek berriz erabiltzeko bidoi horiak eta orri-marka ilustratuak jaso dituzte, biak Ontzinen irudiarekin eta ontziak birziklatzearekin lotutako hezkuntza-mezuekin. Material horien helburua “ikaskuntza indartzea eta egunerokotasunean alternatiben erabilera sustatzea” da, adierazi dute arduradunek.
