“Guztion Kopa”ri esker -Athletic Clubekin hitzartutako klubak (haietako bat, Asti Leku kirol elkartea) apirilaren 6an Sevillan lortutako Kopaz gozatzeko ekimena-, astelehenean gure futbol talde guztiek aukera izan zuten beraren ondoan argazkiak ateratzeko Asti Lekuko frontoian.
Kopa 16:00etatik 19:00etara egon zen ikastolan, Asti Lekuko futbol taldeak eta Portugalete Clubekoak berarekin erretratatzeko. Ikastolan zeuden familiek aprobetxatu zuten tarte libreren bat izan zenean desiratutako argazkia ateratzeko.
