BIZITZA BURUZ BEHERA

Goiz batean esnatu eta gure bizitza goitik behera aldatu zen. Egun batetik bestera ezin ginen ikastolara joan, ezin genituen gure pertsona bereziak besarkatu, ezta ikasleak ukitu ere… Bat batean geneuzkan plan, programazio eta eginkizun guztiak bertan behera geratu zitzaizkigun. “Zer egingo dugu orain????” Pentsatu genuen…

AMA BATEN SENTIMENDU ETA SENTSAZIOAK KONFINAMENDU GARAIAN

Hasiera baten, hau guztia hasi zenean, ezjakintasuna eta beldurraren sentsazioak izan nituen, batez ere semeekikoak. Gero etxean sartuta gelditu behar izan genuenez, beste era batean eramaten hasi nintzen, agian gure etxea babesleku hartu nuelako.

HEZIKETA FISIKOA ETXETIK IRAKASTEA

Berrogeialdiak asko aldatu du gure bizimodua, irakasleok aldaketa horren parte izan garelarik. Bada, pentsa ezazue kontaktua eta elkarrekiko interakzioa ezinbestekotzat daukaten ikasgaietarako, esate baterako, Gorputz Heziketarako. Gure mintegiko planteamenduari dagokionez, burura zetorkigun guztia erronka bezala ikustea izan zen. Kirolariontzat ez dago ezer hoberik, erronka bat aurrera eramatea baino.

ITXIALDIAN IKASITAKOA

Nik inoiz ez nuen pentsatuko horrelakorik gerta zitekeenik zine-pantailetatik kanpo. Ez, behintzak, gure zorioneko bizimoduan. Baina, bizitzak noizbait gogorarazten digu orain arte bezala jarraitu nahi badugu zerbait egin behar dugula. Eta oraingoan kolpe ederra eman digu, hauskorrak garela eta gure mundua gerrarik gabe ere suntsitu daitekeela ohartarazi gaitezen. Lurra lehenera etorriko da eta, zalantzarik gabe, gu gabe jarraituko. Ukitu baten bidez, garaiezinak ez garela erakutsi nahi izan digu.